Kidung Rumekso Ing Wengi
ꦏꦶꦢꦸꦁꦫꦸꦩꦼꦏ꧀ꦱꦺꦴꦆꦁꦮꦼꦔꦶ
Ana kidung rumeksa ing wengi,
Teguh ayu luputa ing lara,
Luputa bilahi kabeh,jin setan datan purun,
Paneluhan tan ana wani, miwah panggawe ala,
Gunane wong luput, geni anemahan tirta,
Maling adoh tan ana ngarah ing kami, guna duduk pan sirna.
Sakehin lara pan samja bali,
Sakehing ama sami miruda, welas asih pandulune,
Sakehing bradja luput, kadi kapuk tibanireki,
Sakehing wisa tawa, sato kuda tutut,
Kayu aeng lemah sangar songing landak,
Guwaning mong lemah miring, mjang pakiponing merak.
ꦲꦤꦏꦶꦢꦸꦁꦫꦸꦩꦼꦏ꧀ꦱꦲꦶꦁꦮꦼꦔꦶ꧈ꦠꦼꦒꦸꦃꦲꦪꦸꦭꦸꦥꦸꦠꦲꦶꦁꦭꦫ꧈ꦭꦸꦥꦸꦠꦧꦶꦭꦲꦶꦏꦧꦼꦃ꧈ꦗꦶꦤ꧀ꦱꦼꦠꦤ꧀ꦢꦠꦤ꧀ꦥꦸꦫꦸꦤ꧀꧈ꦥꦤꦼꦭꦸꦲꦤ꧀ꦠꦤ꧀ꦲꦤꦮꦤꦶ꧈ꦩꦶꦮꦃꦥꦁꦒꦮꦼꦲꦭ꧈ꦒꦸꦤꦤꦼꦮꦺꦴꦁꦭꦸꦥꦸꦠ꧀꧈ꦒꦼꦤꦶꦲꦤꦼꦩꦲꦤ꧀ꦠꦶꦂꦠ꧈ꦩꦭꦶꦁꦲꦢꦺꦴꦃꦠꦤ꧀ꦲꦤꦔꦫꦃꦲꦶꦁꦏꦩꦶ꧈ꦒꦸꦤꦢꦸꦢꦸꦏ꧀ꦥꦤ꧀ꦱꦶꦂꦤ꧉ꦱꦏꦼꦲꦶꦤ꧀ꦭꦫꦥꦤ꧀ꦱꦩ꧀ꦗꦧꦭꦶ꧈ꦱꦏꦼꦲꦶꦁꦲꦩꦱꦩꦶꦩꦶꦫꦸꦢ꧈ꦮꦼꦭꦱ꧀ꦲꦱꦶꦃꦥꦤ꧀ꦢꦸꦭꦸꦤꦼ꧈ꦱꦏꦼꦲꦶꦁꦧꦿꦢ꧀ꦗꦭꦸꦥꦸꦠ꧀꧈ꦏꦢꦶꦏꦥꦸꦏ꧀ꦠꦶꦧꦤꦶꦉꦏꦶ꧈ꦱꦏꦼꦲꦶꦁꦮꦶꦱꦠꦮ꧈ꦱꦠꦺꦴꦏꦸꦢꦠꦸꦠꦸꦠ꧀꧈ꦏꦪꦸꦲꦲꦼꦁꦊꦩꦃꦱꦔꦂꦱꦺꦴꦔꦶꦁꦭꦤ꧀ꦢꦏ꧀꧈ꦒꦸꦮꦤꦶꦁꦩꦺꦴꦁꦊꦩꦃꦩꦶꦫꦶꦁ꧈ꦩ꧀ꦗꦁꦥꦏꦶꦥꦺꦴꦤꦶꦁꦩꦼꦫꦏ꧀꧉
Pagupakaning warak sakalir,
Nadyan artja mjang sagara asat,
Satemah rahayu kabeh, dadi sarira aju,
Ingideran mring widhadari, rinekseng malaekat,
Sakatahing rusuh, pan dan sarira tunggal,
Ati Adam utekku Bagenda Esis, pangucapku ya Musa.
ꦥꦒꦸꦥꦏꦤꦶꦁꦮꦫꦏ꧀ꦱꦏꦭꦶꦂ꧈ꦤꦢꦾꦤ꧀ꦲꦂꦠ꧀ꦗꦩ꧀ꦗꦁꦱꦒꦫꦲꦱꦠ꧀꧈ꦱꦠꦼꦩꦃꦫꦲꦪꦸꦏꦧꦼꦃ꧈ꦢꦢꦶꦱꦫꦶꦫꦲꦗꦸ꧈ꦆꦔꦶꦢꦼꦫꦤ꧀ꦩꦿꦶꦁꦮꦶꦝꦢꦫꦶ꧈ꦫꦶꦤꦼꦏ꧀ꦱꦼꦁꦩꦭꦲꦼꦏꦠ꧀꧈ꦱꦏꦠꦲꦶꦁꦫꦸꦱꦸꦃ꧈ꦥꦤ꧀ꦢꦤ꧀ꦱꦫꦶꦫꦠꦸꦁꦒꦭ꧀꧈ꦲꦠꦶꦲꦢꦩ꧀ꦲꦸꦠꦺꦏ꧀ꦏꦸꦧꦒꦺꦤ꧀ꦢꦲꦺꦱꦶꦱ꧀꧈ꦥꦔꦸꦕꦥ꧀ꦏꦸꦪꦩꦸꦱ꧉
Napasingun Nabi Isa luwih,
Nabi Yakub pamiyarsaningwang,
Yusuf ing rupaku mangke,
Nabi Dawud swaraku,
Yang Suleman kasekten mami,
Ibrahim nyawaningwang,
Idris ing rambutku, Bagendali kulitingwang,
Abu Bakar getih, daging Umar singgih, balung Bagenda Usman.
ꦤꦥꦱꦶꦔꦸꦤ꧀ꦤꦧꦶꦆꦱꦭꦸꦮꦶꦃ꧈ꦤꦧꦶꦪꦏꦸꦧ꧀ꦥꦩꦶꦪꦂꦱꦤꦶꦔ꧀ꦮꦁ꧈ꦪꦸꦱꦸꦥ꦳꧀ꦲꦶꦁꦫꦸꦥꦏꦸꦩꦁꦏꦼ꧈ꦤꦧꦶꦢꦮꦸꦢ꧀ꦱ꧀ꦮꦫꦏꦸ꧈ꦪꦁꦱꦸꦊꦩꦤ꧀ꦏꦱꦼꦏ꧀ꦠꦼꦤ꧀ꦩꦩꦶ꧈ꦆꦧꦿꦲꦶꦩ꧀ꦚꦮꦤꦶꦔ꧀ꦮꦁ꧈ꦆꦢꦿꦶꦱ꧀ꦲꦶꦁꦫꦩ꧀ꦧꦸꦠ꧀ꦏꦸ꧈ꦧꦒꦼꦤ꧀ꦢꦭꦶꦏꦸꦭꦶꦠꦶꦔ꧀ꦮꦁ꧈ꦄꦧꦸꦧꦏꦂꦒꦼꦠꦶꦃ꧈ꦢꦒꦶꦁꦈꦩꦂꦱꦶꦁꦒꦶꦃ꧈ꦧꦭꦸꦁꦧꦒꦼꦤ꧀ꦢꦈꦱ꧀ꦩꦤ꧀꧉
Sungsumingsun Fatimah Linuwih,
Siti Aminah bajuning angga,
Ayub minangka ususe, sakehing wulu tuwuh,
Ing sarira tunggal lan Nabi, Cahyaku ya Muhammad,
Panduluku Rasul, pinajungan Adam syara",
Sampun pepak sakatahing para nabi, dadi sarira tunggal.
Wiji sawiji mulane dadi, pan apencar dadiya sining jagad,
Kasamadan dening Dzate, kang maca kang angrungu,
Kang anurat ingkang nimpeni,
Rahayu ingkang badan, kinarya sesembur,
winacaknaing toja, kinarya dus rara tuwa gelis laki, wong edan dadi waras.
ꦱꦸꦁꦱꦸꦩꦶꦁꦱꦸꦤ꧀ꦥ꦳ꦠꦶꦩꦃꦭꦶꦤꦸꦮꦶꦃ꧈ꦱꦶꦠꦶꦄꦩꦶꦤꦃꦧꦗꦸꦤꦶꦁꦲꦁꦒ꧈ꦄꦪꦸꦧ꧀ꦩꦶꦤꦁꦏꦲꦸꦱꦸꦱꦼ꧈ꦱꦏꦼꦲꦶꦁꦮꦸꦭꦸꦠꦸꦮꦸꦃ꧈ꦆꦁꦱꦫꦶꦫꦠꦸꦁꦒꦭ꧀ꦭꦤ꧀ꦤꦧꦶ꧈ꦕꦃꦪꦏꦸꦪꦩꦸꦲꦩ꧀ꦩꦢ꧀꧈ꦥꦤ꧀ꦢꦸꦭꦸꦏꦸꦫꦱꦸꦭ꧀꧈ꦥꦶꦤꦗꦸꦔꦤ꧀ꦄꦢꦩ꧀ꦱꦾꦫ꧈ꦱꦩ꧀ꦥꦸꦤ꧀ꦥꦼꦥꦏ꧀ꦱꦏꦠꦲꦶꦁꦥꦫꦤꦧꦶ꧈ꦢꦢꦶꦱꦫꦶꦫꦠꦸꦁꦒꦭ꧀꧉ꦮꦶꦗꦶꦱꦮꦶꦗꦶꦩꦸꦭꦤꦼꦢꦢꦶ꧈ꦥꦤ꧀ꦲꦥꦼꦚ꧀ꦕꦂꦢꦢꦶꦪꦱꦶꦤꦶꦁꦗꦒꦢ꧀꧈ꦏꦱꦩꦢꦤ꧀ꦢꦼꦤꦶꦁꦢ꧀ꦗ꦳ꦠꦼ꧈ꦏꦁꦩꦕꦏꦁꦲꦔꦿꦸꦔꦸ꧈ꦏꦁꦲꦤꦸꦫꦠ꧀ꦲꦶꦁꦏꦁꦤꦶꦩ꧀ꦥꦼꦤꦶ꧈ꦫꦲꦪꦸꦲꦶꦁꦏꦁꦧꦢꦤ꧀꧈ꦏꦶꦤꦂꦪꦱꦼꦱꦼꦩ꧀ꦧꦸꦂ꧈ꦮꦶꦤꦕꦏ꧀ꦤꦻꦁꦠꦺꦴꦗ꧈ꦏꦶꦤꦂꦪꦢꦸꦱ꧀ꦫꦫꦠꦸꦮꦒꦼꦭꦶꦱ꧀ꦭꦏꦶ꧈ꦮꦺꦴꦁꦲꦺꦢꦤ꧀ꦢꦢꦶꦮꦫꦱ꧀꧉
Lamun arsa tulus nandur pari puwasaa sawengi sadina,
Iderana gelengane, wacanen kidung iki,
Sakeh ama tan ana wani,
Miwah yen ginawa prang wateken ing sekul,
Antuka tigang pulukan, mungsuhira lerep datan ana wani, teguh ayu pajudan.
Lamun ora bisa maca kaki, winawera kinarya ajimat,
Teguh ayu penemune, lamun ginawa nglurug,
Mungsuhira datan udani, luput senjata uwa,
Iku pamrihipun, sabarang pakaryanira,
Pan rineksa dening Yang Kang Maha Suci, sakarsane tineken.
ꦭꦩꦸꦤ꧀ꦲꦂꦱꦠꦸꦭꦸꦱ꧀ꦤꦤ꧀ꦢꦸꦂꦥꦫꦶꦥꦸꦮꦱꦴꦱꦮꦼꦔꦶꦱꦢꦶꦤ꧈ꦆꦢꦼꦫꦤꦒꦼꦊꦔꦤꦼ꧈ꦮꦕꦤꦼꦤ꧀ꦏꦶꦢꦸꦁꦲꦶꦏꦶ꧈ꦱꦏꦼꦃꦲꦩꦠꦤ꧀ꦲꦤꦮꦤꦶ꧈ꦩꦶꦮꦃꦪꦼꦤ꧀ꦒꦶꦤꦮꦥꦿꦁꦮꦠꦼꦏꦼꦤ꧀ꦲꦶꦁꦱꦼꦏꦸꦭ꧀꧈ꦄꦤ꧀ꦠꦸꦏꦠꦶꦒꦁꦥꦸꦭꦸꦏꦤ꧀꧈ꦩꦸꦁꦱꦸꦲꦶꦫꦊꦉꦥ꧀ꦢꦠꦤ꧀ꦲꦤꦮꦤꦶ꧈ꦠꦼꦒꦸꦃꦲꦪꦸꦥꦗꦸꦢꦤ꧀꧉ꦭꦩꦸꦤ꧀ꦲꦺꦴꦫꦧꦶꦱꦩꦕꦏꦏꦶ꧈ꦮꦶꦤꦮꦼꦫꦏꦶꦤꦂꦪꦲꦗꦶꦩꦠ꧀꧈ꦠꦼꦒꦸꦃꦲꦪꦸꦥꦼꦤꦼꦩꦸꦤꦼ꧈ꦭꦩꦸꦤ꧀ꦒꦶꦤꦮꦔ꧀ꦭꦸꦫꦸꦒ꧀꧈ꦩꦸꦁꦱꦸꦲꦶꦫꦢꦠꦤ꧀ꦲꦸꦢꦤꦶ꧈ꦭꦸꦥꦸꦠ꧀ꦱꦼꦚ꧀ꦗꦠꦲꦸꦮ꧈ꦆꦏꦸꦥꦩꦿꦶꦲꦶꦥꦸꦤ꧀꧈ꦱꦧꦫꦁꦥꦏꦂꦪꦤꦶꦫ꧈ꦥꦤ꧀ꦫꦶꦤꦼꦏ꧀ꦱꦢꦼꦤꦶꦁꦪꦁꦏꦁꦩꦲꦱꦸꦕꦶ꧈ꦱꦏꦂꦱꦤꦼꦠꦶꦤꦼꦏꦼꦤ꧀꧉
Lamun ana wong kabanda kaki,
Lan kadenda kang kabotan utang, poma kidung iku bae,
Wacakna tengah dalu, ping salawe den banget mamrih,
Luwaring kang kabanda, kang dinenda wurung,
Dedosane ingapura, wong kang utang sinauran ing Yang Widdhi, kang dadi waras.
ꦭꦩꦸꦤ꧀ꦲꦤꦮꦺꦴꦁꦏꦧꦤ꧀ꦢꦏꦏꦶ꧈ꦭꦤ꧀ꦏꦢꦼꦤ꧀ꦢꦏꦁꦏꦧꦺꦴꦠꦤ꧀ꦲꦸꦠꦁ꧈ꦥꦺꦴꦩꦏꦶꦢꦸꦁꦲꦶꦏꦸꦧꦲꦼ꧈ꦮꦕꦏ꧀ꦤꦠꦼꦔꦃꦢꦭꦸ꧈ꦥꦶꦁꦱꦭꦮꦼꦢꦼꦤ꧀ꦧꦔꦼꦠ꧀ꦩꦩꦿꦶꦃ꧈ꦭꦸꦮꦫꦶꦁꦏꦁꦏꦧꦤ꧀ꦢ꧈ꦏꦁꦢꦶꦤꦼꦤ꧀ꦢꦮꦸꦫꦸꦁ꧈ꦢꦼꦢꦺꦴꦱꦤꦼꦲꦶꦔꦥꦸꦫ꧈ꦮꦺꦴꦁꦏꦁꦲꦸꦠꦁꦱꦶꦤꦻꦴꦫꦤ꧀ꦲꦶꦁꦪꦁꦮꦶ꧈ꦏꦁꦢꦢꦶꦮꦫꦱ꧀꧉
Sing sapa reke arsa nglakoni, amutiha amawa,
Patang puluh dina wae, lan tangi wektu subuh,
Lan den sabar sukur ing ati,
Insya Allah tineken, sakarsanireku,
Njawabi nak - rakyatira,
Saking sawab ing ilmu pangiket mami, duk aneng Kalijaga.
ꦱꦶꦁꦱꦥꦉꦏꦼꦲꦂꦱꦔ꧀ꦭꦏꦺꦴꦤꦶ꧈ꦲꦩꦸꦠꦶꦲꦲꦩꦮ꧈ꦥꦠꦁꦥꦸꦭꦸꦃꦢꦶꦤꦮꦲꦼ꧈ꦭꦤ꧀ꦠꦔꦶꦮꦼꦏ꧀ꦠꦸꦱꦸꦧꦸꦃ꧈ꦭꦤ꧀ꦢꦼꦤ꧀ꦱꦧꦂꦱꦸꦏꦸꦂꦲꦶꦁꦲꦠꦶ꧈ꦆꦤ꧀ꦱꦾꦄꦭ꧀ꦭꦃꦠꦶꦤꦼꦏꦼꦤ꧀꧈ꦱꦏꦂꦱꦤꦶꦉꦏꦸ꧈ꦚ꧀ꦗꦮꦧꦶꦤꦏ꧀ꦫꦏꦾꦠꦶꦫ꧈ꦱꦏꦶꦁꦱꦮꦧ꧀ꦲꦶꦁꦲꦶꦭ꧀ꦩꦸꦥꦔꦶꦏꦼꦠ꧀ꦩꦩꦶ꧈ꦢꦸꦏ꧀ꦲꦤꦼꦁꦏꦭꦶꦗꦒ꧉
Rahasia Ilmu Ghaib adalah blog khusus dunia paranormal yang memuat berbagai artikel ilmu-ilmu ghaib. Rahasia Ilmu Ghaib menyajikan berbagai informasi, serta menampilkan mantra, doa, azimat, rajah, yang berkaitan dengan ilmu ghaib.
